Dhagna-qabaan aadaa durii keessa waan dalagamaa turee dha. Tahe jedhamee dhagna hormaataa dhalaa irraa muruu yokan akka dhalootaan ture irraa geddaruu (altering) dha. Dhagna-qabaan dhalaa al tokko tokko Qaama Hormaataa Dhalaa Muruu yookaan Qaama Hormaataa Dhalaa irraa hallaguu (mutilation) jedhama. Dhagna-qabaan dubartootaa fi dubraaf faayidaa fayyaa hin qabuuf. Caalaattuu fayyummaa qaama hormaataa irratti rakkoo fayyaa itti fida. Hawaasota dhagna-qabaa dhalaa akka duriitti shaakalaa jiraniif dhalaa, dardara fi dhiirotaaf sagantaaleen isaan waliin dalagu Australia keessa ni jira.

Faallaa seeraa ti:

• Naannoo qaama hormaataa dhalaa irraa muruu fi kutuun
• Qaama hormaataa dhalaa meeshaadhaan hodhuu fi walitti hodhuu
• Qaama hormaataa dhiphisuu
• Qinxiraama kutuu fi baqaqsuu
• Qaama hormaataa dhalaa miidhuu fi madeessuu

Nama seerri ni dhorka:

• Dubartii yokan mucaa dubraa qaama dhalootaa irraa muruu
• Irraa muruuf nama san Australia keessaa biyya alaatti geessuu
• Qaama hormaataa akka irraa muramuuf Australia keessaa biyya alaa geessuuuuf gargaaruu

Namni sun seera cabsee jira jedhama kan yoo:

• Dhagna-qabe
• Dhagna-qabaa yoo gargaare
• Nama dhagna-qabu yoo barbaadee fide

Dhibee Fayyaa

Dhalaa dhagna qabuun dhibee fayyaa kan yeroo gabaabaa fi dheeraa qabaata. Kunis:

• Dhukkubbii laalessaa
• Qaama-gubaa
• Godaannisa
• Xannacha biqilchuu
• Dhukkuba afuuffee fi karaa fincaanii
• Dhukkubbii ogguu fincaananii
• Dhukkubbii ogguu daraaraan baatii itti dhufu yokan ogguu dhiira waliin wal bira gahan yookaan waliin ciisan
• Dhukkuba bo’oo fincaanii
• Ogguu mucaa dahumsaa (ogguu mucaa dhaluu) karaa mucaan dhalattu tatarsa’uu fi godaannisa qabaatuu
• Du’a

Guutummaa Australia keessa dubartoota, durbelee fi maatiif gargaarsi ni jira.

Qaama dhalootaa keenya to’achuu fi tiksachuuf nuti hundi kabajaa fi ulfinaan ilaalamuu qabna. Dhagna-qabaa dhalaa ilaalchisees gargaarsi, gorsii fi odeeffannoo godinaalee Australia hunda keessa ni jira. Kanneen naannoo keetii tajaajila siif kennan armaan gadii kana laali: